Friday, June 12, 2009

شنو ردت فعلكم

تخيلو رايحين حق دكتور وتقولون له دكتور في طقه قديمه و قامت تسببلي صداع
يرد ويقول سولي الاشعه و رد
تردون له ويقول اي عمليه و بسيطه جاهز ؟؟؟
يلا انا جاهز
وقع الورقه و سيده جهزوه
الدكتور ياي من اجازه والظاهر فاقد و ولهان من زمان مو مشرح احد
المهم دشيت سيده حطو فوق صماخي طشت مادري كشاف من كشافات نادي كاظمه
و هات فركو هالصماخ بستين نوع من المعقيمات والمطهرات
احساس اني زهيوي بعقمونه هههههه
المهم دش الدكتور و حلقو مكان العمليه و قز بالابره
وقالي ها اوكي؟
اول ماحط الموس جان يسأل تحس بشي؟؟
اي والله الموس وصل لين صبع ريلي الصغير
هات قز قز قز لين خدر شعري مو بس راسي و هات يا اصوات
جنه ينحت
وفجأه
"ow sh*t artery"
نسى اني اعرف تايلندي و ردت الفعل كانت
ولين اي واحد فيهم
و ضحك و قال عادي عادي لاتخاف
اي لا اخاف التشتت زاد
يامعود لا اطلع صاب حوله
شوي جان ينادي دكتور ثاني دكتور فلان شرايك
لالالا سكر و تحويل ابن سينا حق جراحة الاعصاب
المهم سكر و خيط الجرح و قالي قوم غسل عن الدم بس لاتخاف
قمت والله جنه قوطي روب على راسي وارم
يقولي يومين ويخف الورم هذا مال البنج
المهم طافت السالفه علي خير و كل شي اوكي
بس قص علي الدكتور قاعد اعد الغرز ويقولي بس ٢ وطلعو ٤ بره
و ٣ داخل والحمد لله وايد احسن
بس تخيلو بنص العمليه شت و شت و ينادي دكتور ثاني
شنو ردة فعلكم؟؟؟

16 comments:

  1. وايد دكاتره مايدرون شنو قاعدين يهببون بالمرضى وارواح الناس بين ايدهم ومايحسون في هالشي
    حسبي الله ونعم الوكيل في كل دكتور مقصر ومهمل وكسوووول في مهنته

    والله يا انسان مادري شقولك !! الصراحه هالدكتور شكله قصاب .. ومن النوع اللي اذا توهق على يطول يسوي تحويل حق احد يصلح اخطاءه

    ماااتشوف شر ان شاءالله .. اجر وعافيه .. ابي انت صج شنو كانت ردة فعلك؟؟ معقوله سكت؟ :)

    ReplyDelete
  2. يا معود الحمدلله على سلامتك اهم شي
    و الشيت على اللي خلاهم دكاتره
    من صجك هالكلمة اسمعها مو تطيير البنج
    تخليني اطير راسهم

    ReplyDelete
  3. بصراحة أنا عن نفسي لو تصير معاي الأم العملية بصوب والخرعة النفسية بصوب ! الله يستر على حالنا دام الأوضاع تبشر بجذي مواقف.. الحمد لله على السلامة وعسئ الله يكشف ضرك ..
    بصراحة عيشتني بجو رعب وأنا أقرأ البوست

    ReplyDelete
  4. رايي ان الدكاترة احيانا يشوفون اشياء تحتمل اكثر من سبب لوجودها

    و دايما يفترضون الأسوء من باب الاحتياط يعني

    فـ عادي يكون فيك كيس دهن مثلا و هو حاط في باله احتمال انفجار في مدري شنو

    عشان جذي يحولونك على مكان مختص يفحصك و يتأكد شنو الموضوع بالضبط

    انا اقول لا تتأخر بالموضوع اخلص منه .. و اذا عندك فلوس قطها بالشمس و اقعد بالظلال

    و ما تشوف شر و عسى الله يشافيك و يعافيك و بيت مكة يوديك :)

    ReplyDelete
  5. اول شي الحمدلله على سلامتك

    ثاني شي آنا سحت من الوصف الله يعينك انت شصار فيك لما شفت الدمامين :/


    يالله كل شي بأجره ان شالله

    ReplyDelete
  6. والله ياخوي انا دايما ادعي ان الله لايطيحنه تحت ايدهم لا تشخيص و لا علاج و لا شي

    يعني الفقير اللي مايقدر يروح خاص يروح فيها على طول

    حسبي الله و نعم الوكيل

    ReplyDelete
  7. Fishah

    اول شي الدكتور مو غلطته و ثاني شي اعرفه و زميل مهنه هههه و ردة فعلي اضحك شبصير؟؟؟

    ReplyDelete
  8. Enter-Q8
    هههه الله يسلمك من كل شر
    والله ماطار البنج كنت احس بالموس

    ReplyDelete
  9. مستعدة
    الله يسلمج من كل شر ان شاء الله
    الواحد يقول الحمد لله على كل حال

    ReplyDelete
  10. بو سعد
    والله عندنا افضل الدكاتره بس المتابعه من قبل الستاف الي معاهم خرطي
    الله يعينا

    ReplyDelete
  11. ReLaaaX
    عادي عادي متعود على الجروح العن جرح كان وانا صغير
    طايح علي مسمار و دش بويهي

    ReplyDelete
  12. ميمة السبيت
    الحود لله على كل حال

    ReplyDelete
  13. الحمدلله على السلامة وما تشوف شر
    الحين شلونك ؟

    ReplyDelete
  14. kazmawy
    الشر ماييك
    مافيني الى العافيه

    ReplyDelete
  15. بروحـي وسواسيه وخوافــه
    أيي دكتور و شـت و شـت
    والله مويخلي المريض يحاتـي إلا حــد التصروع



    وهم المكـان خطر .. بالراس
    أجــر وعافيــه

    ReplyDelete
  16. the.one
    والله عادي بس الي يضايق الاصوات الي تسمعينها براسج جنه ينحت و يقص و يبرد و يسن هههه حشى مو راس
    الحمدلله على كل حال
    والله يعافيج

    ReplyDelete