بعد يوم طويل بالدوام رديت البيت
احاول اني انخمد بس للاسف جزت عيني عن النوم
امراد نزلت اجابل الاهل شوي والا الولده دموع و تبجي
وتتحلطم حسبيى الله عليه جذي يسوي
هذي سوات يسويها ولد باهله
انا صبت عظامي بس اخوي مسوي مصيبه
يمه عسى ما شر شفييج
مافيني شي
يمه شفيج قوليلي
ماشفته ؟؟
اي منو شصاير
ااااااااااه يا قلبي
لا حول ولا قوة الا بالله
لا حول ولا قوة الا بالله
طلعت قاعده تشوف حلقه بالتلفزيون
وانا بعد هل سلالفه صج صج كرهت التلفزيون
ما تسوى الخرعه حسبي الله عليهم
خلوني احقد على امي من هالسالفه
و سلامتكم
ما عليه يا بطل اشرب شربناها من قبلك
ReplyDeleteاللحين انا لا
اول ما اشوف مشهد حزين و مؤثر و الوالده تطالعه اقولها يالا ابجي قاعد اشوف دمعتك نزليها يالله خو انتي بسرعه ينقص عليك قلبك رهيف
خلك شديد ياما حاتشوف و لازم تصير عندك مناعة
امهاتنا ياخوي من الزمن الجميل الزمن الصافي اللي لما تكون قصه غير واقعية تتأثر فيها بس ما يدرون ان هالشي قاعد يصير بالواقع و بكثرة
عادي عادي
ReplyDeleteأنا نفس انتر كويت
أمي وخالتي ويدتي جذي من يطلع شي حزين ولا مقطع في بجي ولا شي يعور القلب .. يوخرون ويوهم بسرعة
عاد نتحرش فيهم أنا واخواني وعيال خالتي يلا يلا ابجوا حساسين وقلبكم رقيق ومن هالسوالف عاد الدمعة تنزل تالي يضحكون ويدلعون علينا
الله يحفظهم لنا ويطول بعمرهم يارب
ياحلوها بسرعه تتأثر بالاحداث
ReplyDeleteانا جذي اذا شفت مشهد فيه ناس يبجون ابجي معاهم .. بس بروحي بالدار
عقبها يجكوني من خشمي الاحمر :P
الله يسلمها يارب ..
ReplyDelete:)
والحمد لله على الأقل طلع شيء في التلفزيون
مو في واحد من أهلك ..
زيارتي الأولى هنـا
لك التحـية ..
** لووووووووول عادي امهاتنا ينطرون رمضان حق الحلقات و الصياح جنه احنا ناقصين هموم و مغثة
ReplyDelete** اييه نسيت ، كل عام و انت و الوالده بخير الله يخليها لكم انشالله و السنة الياية شيلوا عنها التلفزيون
ReplyDeleteهههههههههههههههه ي الله هالموقف يمر ع الاقل تقريبا
ReplyDeleteتعال شف امي فديتها تعصب وتضايق من الممثلين طبعا امي تحب بس المسلسلات البدو مثل نمر بن عدوان
وتحزن من قلب عليهم ههههههههه
وانا بس ضحك