Wednesday, September 16, 2009

بكاء امي

بعد يوم طويل بالدوام رديت البيت
احاول اني انخمد بس للاسف جزت عيني عن النوم
امراد نزلت  اجابل الاهل شوي والا الولده دموع و تبجي 
وتتحلطم حسبيى الله عليه جذي يسوي 
هذي سوات يسويها ولد باهله
انا صبت عظامي بس اخوي مسوي مصيبه
يمه عسى ما شر شفييج 
مافيني شي
يمه شفيج قوليلي 
ماشفته ؟؟ 
اي منو شصاير
ااااااااااه يا قلبي
  لا حول ولا قوة الا بالله
طلعت قاعده تشوف حلقه بالتلفزيون
وانا بعد هل سلالفه صج صج كرهت التلفزيون
ما تسوى الخرعه حسبي الله عليهم
 خلوني احقد على امي من هالسالفه
و سلامتكم 

7 comments:

  1. ما عليه يا بطل اشرب شربناها من قبلك
    اللحين انا لا
    اول ما اشوف مشهد حزين و مؤثر و الوالده تطالعه اقولها يالا ابجي قاعد اشوف دمعتك نزليها يالله خو انتي بسرعه ينقص عليك قلبك رهيف
    خلك شديد ياما حاتشوف و لازم تصير عندك مناعة
    امهاتنا ياخوي من الزمن الجميل الزمن الصافي اللي لما تكون قصه غير واقعية تتأثر فيها بس ما يدرون ان هالشي قاعد يصير بالواقع و بكثرة

    ReplyDelete
  2. عادي عادي
    أنا نفس انتر كويت
    أمي وخالتي ويدتي جذي من يطلع شي حزين ولا مقطع في بجي ولا شي يعور القلب .. يوخرون ويوهم بسرعة
    عاد نتحرش فيهم أنا واخواني وعيال خالتي يلا يلا ابجوا حساسين وقلبكم رقيق ومن هالسوالف عاد الدمعة تنزل تالي يضحكون ويدلعون علينا
    الله يحفظهم لنا ويطول بعمرهم يارب

    ReplyDelete
  3. ياحلوها بسرعه تتأثر بالاحداث
    انا جذي اذا شفت مشهد فيه ناس يبجون ابجي معاهم .. بس بروحي بالدار
    عقبها يجكوني من خشمي الاحمر :P

    ReplyDelete
  4. الله يسلمها يارب ..

    :)

    والحمد لله على الأقل طلع شيء في التلفزيون

    مو في واحد من أهلك ..


    زيارتي الأولى هنـا

    لك التحـية ..

    ReplyDelete
  5. ** لووووووووول عادي امهاتنا ينطرون رمضان حق الحلقات و الصياح جنه احنا ناقصين هموم و مغثة

    ReplyDelete
  6. ** اييه نسيت ، كل عام و انت و الوالده بخير الله يخليها لكم انشالله و السنة الياية شيلوا عنها التلفزيون

    ReplyDelete
  7. هههههههههههههههه ي الله هالموقف يمر ع الاقل تقريبا

    تعال شف امي فديتها تعصب وتضايق من الممثلين طبعا امي تحب بس المسلسلات البدو مثل نمر بن عدوان

    وتحزن من قلب عليهم ههههههههه


    وانا بس ضحك

    ReplyDelete