Tuesday, March 02, 2010

ويك اند ماينسي


سفره قصيره و سريعه بدايتها بدعه و نهايتها مأساة
ياتنا اتصالات من قبل اصدقاء الدراسه بطلبهم بانضمامنا للتجمع السنوي
(reunion)
فتم الحجز المسبق والتنظيم من شهرين 
بصراحه ولهت عليهم من ٢٠ سنه مو شايفهم
الحمدلله الاربعاء الفات كان اليوم الموعود
رحنا المطار و كل شي كان اوكي لين وصلنا البوابه ولا اوخ مادري صينييين او فلبينييين مبسطين عالارض و مسدحين
منظر كلش مو حضاري لا تعتقد انه بالكويت ؟؟؟
امنا بالله و دشينا عند البوابه ٢٣
ولا شرطي يزف واحد ويصارخ عليه  وبهذل عيشته 
ليش ؟ لانه هندي ؟؟ سيكي ؟؟ يا اخي والله عيب عليك
انت يالشرطي ياللي تمثل البلد و تمثل شعب و هذا يعتبر ضيف عندنا لو شصير ما تتعامل معاه بهالاسلوب
والله كسر خاطري لان اسلوب الشرطي كان واطي يعني ما الومهم لما يكرهونا او يحقدون علينا و السبب 
الاشكال الي ماتطبق الدين  دين السماح و العفه والاخلاق الحميده
المهم صعدنا الطياره والا ٩٠٪ من الي بالطياره هنود و باكستانيين
والله ماعندي مشكله بس تعبت نفسيا والسبه الريحه عزكم الله
 يعني ناقصين الله يهداهم الطيران العماني وجبتهم دياي بالكاري و اجار منجا ؟؟؟
صداع صداع صداع 
وبالنهايه وصلنا عمان و الشباب ناطرينا بمنتجع عباره عن مزرعه كبيره و فيها شاليهات
الحلو في هالمنتجع انه ماكو سيايير . التنقلات داخل كلها بالقولف كارت او قواري الي محذفه كل مكان 
تبي تمشي امش او تبي قاري تل اي قاري يم اي شاليه و روووح
المكان راقي جدا
بس المشكله ان احنا ١٦ واحد و نيسينا اعمارنا ردينا علي شطانة الجامعه و ضحك و سوالف
ويك اند ماينسي 
شعب بسيطم و طيب و خجلونا بكرمهم
وبالنهايه بالمطار و على نفس الطياره و نفس الوجبه و نفس الخيسه
بس ودي اطلب من خطوط الطيران انهم مايوفرون هالاغذيه المولده للغازات السامه والخانقه لان اكو شعب مايرحم و يعتقدون ان الناس ماتشم
و على فكره اكتشفت ان المخ و الخشم ممكن يحوشهم شلل اثر تعرضهم لهذي الغازات السامه و سلامتكم

6 comments:

  1. الله يعينك يعني قصة مأساة صراحة و انا ودي ارووح عمان بس عقب بوستك الخطير هونت .. مرة ثانية رووح سباحة وايد احسن

    ReplyDelete
  2. لا يا ميمه السبيت
    عجيبه ووناسه المشكله بس بهالساعتين الي بالطياره بس والله تسوى الروحه
    وناسه خاصة اذا تعرفين ناس هناك

    ReplyDelete
  3. عليك بالعافية هالسفرة

    و عمان تونس .. وفعلا مريحة

    و اهلها قمة في الاحترام

    بس شنو اسم المنتجع اللي نزلت فيه ..؟

    :)

    ReplyDelete
  4. عثماني
    الله يعافيك ويخليك
    اي والله صدقت صج طيبين لا وصارلي موقف بالمطار هندي اخذ عربانتي جان ازفه
    شوي والا الظابط بنفسه رايح يايبلي عربانه
    اسم المنتجع النهظه

    ReplyDelete
  5. six senses at the zighy bay? if u mean that resort it was beautiful and the mountain sky parachuting amazing.bs el bicycles emjayma ;p

    ReplyDelete
  6. لا اسمه منتجع النهضة السياحي
    بس المكان يونس و اليمعه كانت عجيبه

    ReplyDelete