١٨ سنه اشتغل و طبيعة عملي اشوف وألاقي فيها كثير من الاهالي
آباء و امهات
واحتكاكي فيهم مباشر
و ياما شفت و سمعت قصص تشيب الراس و شفت بعيني شغلات ماتطري على بال اي انسان
الحمد لله الله اعطانا امهات و اباء عندهم عقل
ماقول كل الامهات سنعين و لا اقول كل الاباء مهملين
عندي سؤال دائما اسئله للاباء
٩٥٪ منهم يجاوبونه غلط
مع انه سؤال بسيط جدا شنو تاريخ ميلاد البنت او لولد
والله ان اغلبهم يطل بالبطاقه المدنيه
والله فشله ماتعرف يوم ميلاد ولدك ولا بنتك؟؟؟
بس بصراحه اكو واحد بدع وصك على كل الي مرو علي
سألته سؤال شنو ترتيب البنت فلانه بين اخوانها وخواتها؟
سيده الابو فلانه انتي مني امج
والله اني بققت عيوني
منو امج ؟؟
قالي انا عيالي كثار
ما شاءالله اهو وعياله و حريمه و اثنين من عياله متزوجين
كلهم ٥٠ بالبيت نفسه ؟؟؟
شلون
وين ينامون
شياكلون
ماعلينا الله يحفظهم
وفي بعض الاباء اهم الي يراكظون بعيالهم
والامهات مايدرون وين الله قاطهم
والي اقصده الأب والام لهم دور اساسي و كل واحد يكمل الثاني بتربيه الابناء
فالمفروض نسمي عيد الاسره مو بس عيد الام
بس الواحد شيقول
قال انفخ ياشريم قال مامن برطم
اكو اباء وامهات ودك تحطهم على راسك و في منهم ودك تشب فيهم النار
لانهم مو كفو نعمه
وبالنهايه اقترح اقتراح للحكومه الرشيده
بان يقرون اجازه ابوبه مثل الامومه لان في اباء يتعبون اكثر من الامهات مع عيالهم
وسلامتكم
** صاج والله في بلاوي سودة في البيوت و انا استغرب اللي ماله خلق يهال و مجابل ليش إييب من الأساس يعني الأخ اللي يسأل بنته انتي منو امج هذا اعتقد حتى اسم البنت مايعرفة
ReplyDeleteالحمدالله والشكر في ناس يتمنووون ظفر الياهل و ناس موعارفه حتى اسامي عيالها
كل شي له حكمة من رب العالمين
مو حافظ ترتيب بنته ؟
ReplyDeleteالله يعينه ويعين عياله علية
جان زين يسوون يوم عطلة حق الاباء
خل يرتاحوا شوي مساكين
شكراً
كلامك صحيح
ReplyDeleteانا استغرب ان في آباء مايعرفون تاريخ ميلاد عيالهم
مو مشكلة مانبيهم يحفظون التاريخ على الأقل السنة
واذا صعب عليهم زين خلهم يحفظون الشهر
صراحه احراج
بس عطلة للآباء مممم ماقتنعت
يمكن اقتنع في يوم من الأيام
الا اذا كانت العطلة حق هذيلا اللي ناسيين ميلاد عيالهم :)
زيارتي الأولى
وليست الأخيرة
لنتابع تلك اليوميات
شكراً
ولا تقا لهما اف ولا تنهرهما وقا لهما قول كريما واخفض لهما جناح الذل من الرحمة وقل ربي ارحمهما كما ربياني صغيرا
ReplyDelete