Monday, April 26, 2010

يوم حافل

كالعاده يوم حافل بالدوام و لازم اراجع الوزاره عشان اوراق مهمه
المهم على ماوصلت  الا راسي مفتر من هالدواوير و الزحمه والكل عنده الشارع شارع ابوه و اتحلطم على الاوادم لين وصل المكان الي ابيه الوزاره المعنيه
سالت وفتريت و حفت ريولي و اخرتها محد يدري وين الكتاب الي موقع عليه الوكيل
الرياضه حلوه خصوصا بين بشر مادري شقول عنهم اول مادشيت ولا ثنتين متلحفين  و يتغشمرون و بالممر وحده تقول حق رفيجتها  " العن ابو شكلج" ياساتر 
بل بل بل هذي تتغشمر جذي عيل شلون لو زعلانه شبتهبب و شبتقول؟؟؟
ما علينا اصعد الدور الاول ،انزل السرداب، يمين يمين شمال شمال فوق تحت 
جنها صارت اغنيه الشيشه
فرو راسي فرالله لا يبارك بالعدو. لا وتقولي الاخت روح حق فلان فلان رد حق فلانه  وتقولي الاخت لا انت عاجبتك الييه عندنا
موت مادري  منو
اخرتها لازم عند اخ مصري قالي اديني يومين و اطع الكتاب من تحت طآطيئ  الارض
اهم شي تيتي تيتي زي ماروحتي جيتي
وانا راد زحمه ولا الاخ كاشخ بجمس و لازق بسياره بالشارع و الاخت بسياره ثانيه ماده ايدها مادري شقطت بيده
بس انا اتوقع ان معطيته سبال  و موقفين الشارع يسولفون صج قلت ادب 
بس تيس التم على جفرتين معفنات شتتوقع منهم
المهم اخذ السبال و طس و ذلف و انا اتحلطم عليهم ليلحين 
واسف عالاطاله يا جماعه و سلامتكم 

3 comments:

  1. مساءالخير

    موووزين تتحلطم هالكثر يا انسان .. لان هالمشاهد ماراح تخلص منها تارسه كل مكان
    فا
    محد بيتعب غيرك :)

    ماعليه .. ان شاءالله تلقى الورقه وتطلع فايده من هالمصري هههههههه

    تقبل مروري اخوي :>

    ReplyDelete
  2. ** واسبح واسبح واسبح و افترررررررررررر و رد بيتكم

    ReplyDelete
  3. يا كثر ما يتكرر هاليوم مع الكويتين
    لي متى وزارتنا جنها قراجات و لي متى يوظفون موظفات مو مؤدبات و لا عندهم ذرابة و لا اتكيت
    اتوقع لازم يعطونهم دورات بهالخصوص طبعا اللبس و مكياج التهول شي ثاني جني قمت اتحلطم
    المهم عسى الله يفك عوقك و يوفي الأخ المصري بوعده
    موفق
    وشكراً ^_^

    ReplyDelete