والله ودي ترجع السنين
واجابل يدتي
الله يرحمها بس دقيقه مابي اكثر
احن انسانه شفتها بحياتي
مشكلتي اني لاني اكبر ولا اصغر حفيد
بس يمكن لان
اهي الله يسامحها الي دبستني باسمي
عشان جذي انا اغلى الاحفاد عندها
مابي احد يسأل شنو الاسم
امراد المسكينه
دللتني وايد
ابتلشت فيني المسكينه
كل شي ابيه اييني
بلشه وابتلشو فيني
معني عبثي، عنيد، عيار،ابليس و ماأهيع بمكاني
صفات تطلع الواحد من طوره
بس الحمد لله عقلت
هين
الحين ساكت، هادي، بارد واتكلم بصوت خافت يمكن لأني " ماحب الصوت العالي " شسوي
اصدع بسرعه
بس لا اخذ راحتي اعفس الدنيا
اهي الي حببتني بالزرع
و الصيد ماكو عدة صيد ماوصت ابوي اييبها لي من وانا صغير
صج لما تظيج فيني الدنيا اذكرها و اذكر دعواتها لي
الله يرحمها واذكر سوالفي البايخه
مثل مره شفت عيوز عندها شوارب
جان اسأل يدتي اديده ليش الحريم تطلعلهم شوارب؟؟؟
ردت علي ياوليدي وين شايفهم؟؟
قلتلها بالجمعيه اكو عيوزه عندها شوارب
ردت علي ياوليدي ياحبيبي الله يسلمك الحريم لما يكبرون يصيرون رياييل
رياييل؟؟؟؟؟
والرياييل ؟؟؟؟ يصيرون حريم؟؟؟؟
جان تضحك لالالا بس الحريم يصيرون رياييل
ههههه اذكر السالفه واضحك على سؤالي البايخ مسكينه توهقت
المهم الله يرحمها
توفت وانا ماكنت موجود بالديره
ومادريت الا بعد ثلاث اسابيع
كانو خايفين يقولونلي
من كثر ما انا متعلق فيها
الحمدلله على كل حال
الكبار بركة الدار
ReplyDeleted...
ReplyDeleteبسم الله الرحمن الرحيم
ياخوك خرعتني مامداني اسوي ريفريش هههههه
اي والله قلتها من غيرهم مانسوى شي
ربي يرحمها ويسكنها اعلى جناته
ReplyDeleteيدتي كانت ضريره قاذكر كانت تلف واير التلفون حواليت صبعها علشان الخدم ماياخذونه يقرقون فيه وهي نايمه
هههههههه
ترا كانت عليهم سوالف وقصص
ربي يرحمهم برحمته انشالله
violeta
ReplyDeleteالله يرحمهم برحمته
وحياج الله ببلوقي البسيط
LOOOOL
ReplyDeletewalla 3ajabni jawabha LOL! allah yer7amha.
o 3ala 6arey el esim
ReplyDeletekan ako eghniya 3ala esmik (hint hint for the blog readers) fa akeed kanat et7ibha.
عسى الله يرحمهم ويغمد روحهم الينه
ReplyDeleteالحمدلله عشنا فترة حلوة من اعمارنا وياهم :))) وحاشتنا جم دعوه من قلب اهيا سبب بعد الله بتوافيجنا بهالدنيا
--
اما البوست اللي قبله
ليش جذي حسرت فيك حسبي الله عليها
الحمدلله ماكنت تفطن جان تعقدت منها
rosaholic
ReplyDeleteجواب سريع عشان جذي صدقتها
والاغنيه صج ما احبها
تلوع جبدي منها
relaaax
ReplyDeleteالله يرحمهم صج وجودهم رحمه وحسهم بالبيت ضروري بس هذا امر اللهوالحمدلله على كل حال
بالنسبه للخدامه حظي شسوي مايابولي الا وحده برويشونال بالطراره
اخ لو اشوفها بس اصبح عليها بطراق و مسيها بطراق
الحمدلله على كل حال
الله يرحمها ويرحم الجميع ويغفر لها
ReplyDeleteعلى طاري سالفه الشوارب .. ولد خالتي قايل حق ابلته انتي ليش عندج شوارب .. من باجر نادوا خالتي ههههههه
انتو مشكله ترا وانتو صغار :)