Sunday, January 11, 2009

بس دقيقه

والله ودي ترجع السنين
واجابل يدتي
الله يرحمها بس دقيقه مابي اكثر
احن انسانه شفتها بحياتي
مشكلتي اني لاني اكبر ولا اصغر حفيد
بس يمكن لان
  اهي الله يسامحها الي دبستني باسمي
عشان جذي انا اغلى الاحفاد عندها
مابي احد يسأل شنو الاسم
امراد المسكينه
 دللتني وايد
ابتلشت فيني المسكينه
كل شي ابيه اييني
بلشه وابتلشو فيني 
معني عبثي، عنيد، عيار،ابليس و ماأهيع بمكاني
صفات تطلع الواحد من طوره
بس الحمد لله عقلت
 هين
الحين ساكت، هادي، بارد واتكلم بصوت خافت يمكن لأني " ماحب الصوت العالي "  شسوي
اصدع بسرعه
بس لا اخذ راحتي اعفس الدنيا
اهي الي حببتني بالزرع
و الصيد ماكو عدة صيد ماوصت ابوي اييبها لي من وانا صغير
صج لما تظيج فيني الدنيا اذكرها و اذكر دعواتها لي 
الله يرحمها واذكر سوالفي البايخه
مثل مره شفت عيوز عندها شوارب 
جان اسأل يدتي  اديده ليش الحريم تطلعلهم شوارب؟؟؟
ردت علي ياوليدي وين شايفهم؟؟
قلتلها بالجمعيه اكو عيوزه عندها شوارب
ردت علي ياوليدي ياحبيبي الله يسلمك الحريم لما يكبرون يصيرون رياييل
رياييل؟؟؟؟؟
والرياييل ؟؟؟؟ يصيرون حريم؟؟؟؟
جان تضحك لالالا بس الحريم يصيرون رياييل
ههههه اذكر السالفه واضحك على سؤالي البايخ مسكينه توهقت
المهم الله يرحمها
توفت وانا ماكنت موجود بالديره
ومادريت الا بعد ثلاث اسابيع 
كانو خايفين يقولونلي
من كثر ما انا متعلق فيها
الحمدلله على كل حال
 


10 comments:

  1. الكبار بركة الدار

    ReplyDelete
  2. d...
    بسم الله الرحمن الرحيم
    ياخوك خرعتني مامداني اسوي ريفريش هههههه
    اي والله قلتها من غيرهم مانسوى شي

    ReplyDelete
  3. ربي يرحمها ويسكنها اعلى جناته

    يدتي كانت ضريره قاذكر كانت تلف واير التلفون حواليت صبعها علشان الخدم ماياخذونه يقرقون فيه وهي نايمه
    هههههههه

    ترا كانت عليهم سوالف وقصص
    ربي يرحمهم برحمته انشالله

    ReplyDelete
  4. violeta
    الله يرحمهم برحمته
    وحياج الله ببلوقي البسيط

    ReplyDelete
  5. Anonymous11:33 PM

    LOOOOL

    walla 3ajabni jawabha LOL! allah yer7amha.

    ReplyDelete
  6. Anonymous11:35 PM

    o 3ala 6arey el esim
    kan ako eghniya 3ala esmik (hint hint for the blog readers) fa akeed kanat et7ibha.

    ReplyDelete
  7. عسى الله يرحمهم ويغمد روحهم الينه


    الحمدلله عشنا فترة حلوة من اعمارنا وياهم :))) وحاشتنا جم دعوه من قلب اهيا سبب بعد الله بتوافيجنا بهالدنيا


    --

    اما البوست اللي قبله


    ليش جذي حسرت فيك حسبي الله عليها



    الحمدلله ماكنت تفطن جان تعقدت منها

    ReplyDelete
  8. rosaholic

    جواب سريع عشان جذي صدقتها
    والاغنيه صج ما احبها
    تلوع جبدي منها

    ReplyDelete
  9. relaaax

    الله يرحمهم صج وجودهم رحمه وحسهم بالبيت ضروري بس هذا امر اللهوالحمدلله على كل حال

    بالنسبه للخدامه حظي شسوي مايابولي الا وحده برويشونال بالطراره
    اخ لو اشوفها بس اصبح عليها بطراق و مسيها بطراق
    الحمدلله على كل حال

    ReplyDelete
  10. الله يرحمها ويرحم الجميع ويغفر لها

    على طاري سالفه الشوارب .. ولد خالتي قايل حق ابلته انتي ليش عندج شوارب .. من باجر نادوا خالتي ههههههه
    انتو مشكله ترا وانتو صغار :)

    ReplyDelete